Татарстанда чәчү кампаниясенә 11 мең трактор, 6 мең чәчкеч, 5 меңнән артык культиватор һәм 680 чәчү комплексы җәлеп ителәчәк

2020 елның 30 марты, дүшәмбе

Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров авыл хуҗалыгы техникасын язгы кыр эшләренә әзерләү турында хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин катнашты.

Республикада чәчү машиналарын ремонтлау төгәлләнеп килә, нигездә аларны агрегатлаштыру эшләре бара, дип хәбәр итте Марат Җәббаров. Ул чәчү кампаниясенә 11 мең трактор, 6 мең чәчкеч, 5 меңнән артык культиватор һәм 680 чәчү комплексы җәлеп ителәчәк, дип искәртте.