Бәйрәмнәр кайгы-хәсрәт китермәсен

Ел саен республикада декабрь һәм гыйнвар айларында янгыннар булып тора һәм алар гадәттә кеше гомере өзелү белән тәмамлана.

Мисал өчен , 2011 елның 1 декабреннән 2012 елның 31 гыйнварына кадәр 637 янгын теркәлгән. Аларда 63 кеше һәлак булган, 50 кеше тән җәрәхәтләре алган. Янгыннар китерелгән зыян 13,3 миллион сумнан артып китә.

Яңа ел бәйрәме көннәрендә янгын торышы тагын да кискенләшә төшә. Нәкъ менә шушы чорда кешеләрнең төркемләп үлгән очраклары күзәтелә. Соңгы елларда Яңа ел бәйрәмнәрен уздырганда төрле пиротехник әйберләр куллануга өстенлек бирелә. Сатуда ниләр генә юк. Шунысын онытмаска кирәк, кулланучылар базарына сертификацияләнмәгән, ягъни сыйфатсыз, безнең ил стандартларына җавап бирмәүче товарлар да керә. Әлеге продукция кешеләр сәламәтлегенә, бигрәк тә балалар тормышына куркыныч тудыра. Пиротехник изделиеләрне сатканда һәм саклаганда янгын куркынычсызлыгы таләпләре сакланмый. Хәтта бер генә петарданың ялгыш атуы барлыкмондый продукциянең кабынып китүенә сәбәпче булырга мөмкин. Әлеге хәл сәүдә нокталарында күзәтелсә, аның нәтиҗәләрен күз алдына китерү авыр түгел.

Пиротехник изделиеләрдән дөрес кулланмау – шулай ук зур проблема. Салют, фейерверклар биналардан, транспорт чараларыннан һәм кешеләрдән ерак арада файдаланырга тиеш. Чынлыкта исә бик еш кына моның киресе күзәтелә. Биналарны бизәгәндә дә янгын куркынычсызлыгы кагыйдәләрен саклау зарур. Онытмагыз, бәхетсезлек очрагы форсат кына көтеп йөри.

В.Грезнев,

ТР Гражданнар оборонасы һәм гадәттән тыш хәлләр министрлыгының Әлмәт районы буенча идарәсе начальнигы