Муниципаль хезмәткәрләр спортта да сынатмый

17 ноябрь көнне Түбән Кама шәһәрендә муниципаль районнарның җирле үзидарә органнары, ТР шәһәр округлары, дәүләт органы башкарма властьләрнең территориаль бүлекләре арасында спартакиаданың зонаара ярышлары булып узды. Әлеге ярышларда Әлмәт, Азнакай, Баулы, Бөгелмә, Зәй, Ленингорск, Түбән Кама, Сарман, Ютазы – барлыгы тугыз район командалары катнашты. Зонаара ярышлар берьюлы Түбән Каманың дүрт спорт комплексы, Химия – технология институтының спорт залында узды.

“Батыр” сәламәтләндерү үзәгендә башланып киткән чараны тантаналы рәвештә Түбән Кама муниципаль районы башлыгы, шәһәр мэры Айдар Метшин ачты. Ул ассызыклап узганча, Түбән Камада мондый ярышлар 2009 елдан бирле уздырылып, матур традициягә әверелгән. Бәйгенең истәлеге итеп катнашучыларга сувенирлар тапшырылды.

Спартакиаданың зонаара этабында муниципаль районнардан килгән командалар сигез төрле спорт төре буенча көч сыншты. 31 уенчыдан торган Әлмәт муниципаль районы командасы бадминтон, гер күтәрү, җиңел атлетика, шахмат һәм мини-футбол буенча югары нәтиҗәләргә ирешеп, гомуми команда исәбендә алдынгы позицияләрне алып, финалга чыктылар. Тиздән алар мәркәзебез Казанда узачак республика ярышларында Әлмәт данын яклаячак.

Ф. Хәсәнова тәржемәсе