Әлмәттә төзелеш сорауларын тикшерделәр

2019 елның 23 ноябре, шимбә

Татарстан Республикасы Президенты Рөстәм Миңнеханов видеоконференция режимында барлык районнар белән киңәшмә үткәрде.

Татарстан Республикасында 2019 елда күпфатирлы торак йортларны капиталь ремонтлау программасын үтәү 98,94% тәшкил итә.  Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Ул хәбәр иткәнчә, 21 ноябрьгә мәктәпкәчә учреждениеләргә капиталь ремонт эшләре 112 объектның 101ендә тәмамланган. Калган 11 объектта эшләр дәвам итә.