Әлмәт физик культура көллияте командасы дүртенче тапкыр рәттән Олимпизм белгечләре республика конкурсында җиңү яулады

2019 елның 19 ноябре, сишәмбе

Идел буе дәүләт физик культура , спорт һәм туризм академиясе базасында күптән түгел Татарстан Республикасы Югары һәм урта махсус уку йортлары аспирантлары һәм студентлары арасында Татарстан АССР оешуның 100 еллыгына багышланган чираттагы Олимпия фәнни сессиясе булып узды.
Физик культура көллияте командасы Әлмәт шәһәрен тәкъдим итте һәм Татарстанның урта һөнәри белем бирү системасында Халыкара олимпия хәрәкәте теориясе һәм тарихы буенча ике интеллектуаль конкурста катнашкан бердәнбер оешма булды.