Әлмәттә опека һәм попечительлек мәсьәләләре буенча фикер алыштылар

2019 елның 10 сентябре, сишәмбе

Бүген район активы белән узган киңәшмәдә агымдагы елның 8 аенда «Опека» идарәсе эшчәнлегенә нәтиҗәләр ясалды.
Идарә башлыгы Инна Павлова хәбәр иткәнчә, быел ятим балалар арасыннан 25 бала ачыкланган.  27 ятим бала опекага алынган, 2се уллыкка (кызлыкка), 2се ата-аналарга кире кайтарылган.

Баланы опекун, попечитель, тәрбиягә бала алган ата-ана, уллыкка бала алган ата-ана гаиләсенә бер тапкыр бирелә торган пособие 17479,73 сум, мәктәпкәчә яшьтәге балигъ булмаган балаларга ай саен 8667 сум һәм мәктәп яшендәге 9583 сум түләнә.