Әлмәтлеләр – “ЭКОлидер” җиңүчесе

12 сентябрьдә башкалабыз Казанның “Корстон” КРКсын­да “ЭКОлидер”, “Кеше һәм та­бигать” республика бәйгелә­ре җиңүчеләрен тәбрикләү тантанасы булып узды.

Әлеге чарада ТР премьер-министры Илдар Халиков, ТР Дәүләт советы рәисе урын­басары Римма Ратникова, Премьер-министр урынбасары – ТР авыл хуҗалыгы һәм азык-төлек министры Марат Әхмәтов, ТР экология һәм табигать ресурслары минист­ры Артем Сидоров, ТР яшьләр эшләре, спорт һәм туризм буенча министр Рәфис Борһанов катнашты.

Чараны Артем Сидоров ачып, лаеклы эшләрнең күп булуын җиткерде. Җиңүчеләр­не билгеләү бәйге комиссиясенә җиңел бирелмәгән. Шулай ук ул тантанада катна­шучыларга республиканың экологик куркынычсызлыгын тәэмин итүдә уңышлар телә­де.

Илдар Халиков үз чыгышында экологияне кеше тормышының нигезе дип атады һәм киләчәк буын өчен аны сакларга кирәклекне ассызыклады. “Экологиянең ничек тиз юкка чыгуын һәм аны торгызуның никадәр авыр икәнлеген без беләбез. Эре предп­риятиеләр әлеге юнәлешкә миллиардлаган сум акчалар бүлә. Бүген әлеге югары бү­ләккә лаек булучы оешма-предприятие җитәкчеләре җаваплы кешеләр”, – дип бәя­ләде.

Бәйгеләрнең абсолют җиңүчесе, республика ЭКОлидеры булып һәр елдагыча “Тат­нефть” компаниясе танылды. Бүләкне “Татнефть” ААҖ генераль директорының бе­ренче урынбасары-баш инженер Наил Ибраһимов кабул итеп алды.

“Муниципаль район территориясендә тирә-як мохитны саклау өлкәсендәге казаныш­лары өчен” югары бүләгенә Әлмәт муниципаль районы башлыгы Мәҗит Салихов ла­ек булды.

Бәйге комиссиясенә барлыгы якынча 400 эш кабул ителгән. Республика предприя­тиеләреннән тыш, анда иҗтимагый оешмалар, социаль өлкә, сәламәтлек саклау уч­реждениеләре, мәктәпләр, балалар бакчалары, массакүләм мәгълүмат чаралары вә­килләре дә катнашкан. Быел беренче тапкыр “Халык контроле” республика проек­тындагы актив эшчәнлек өчен махсус бүләкләр булдырылган иде, аның белән тирә-як мохитка битараф булмаган кешеләр билгеләп үтелде.

Әлмәт предприятиеләре арасында “Татнефть-Энергосервис” УК ҖЧҖ, “Надежда” идарәче компания, 36 нчы “Тылсымлы сарай” балалар бакчасы коллективлары, шу­лай ук кайбер матбугат чаралары вәкилләре дә “ЭКОлидер” бәйгесе җиңүчеләре булды.
 

Материал ТР Экология һәм табигать ресурслары министрлыгының матбу­гат хезмәтеннән алынды