Марат Әхмәтов: тырышлыклар максималь җитештерүчән һәм сыйфатлы урып-җыюга юнәлдерелергә тиеш

2019 елның 12 августы, дүшәмбе

Республикада быел бөртеклеләрдән генә түгел, шикәр чөгендереннән, бәрәңге һәм кукуруздан да яхшы уңыш алдылар. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Авыл хуҗалыгы һәм азык-төлек министры Марат Әхмәтов хәбәр итте.
Республикада 158 мең га, ягъни барлык мәйданнарның 11% җыеп алынган. 518 мең тонна суктырылган. Бүгенге көнгә уртача уңыш - 32,7 ц/га.
Министр соңгы өч көндә (7-9 август көннәрендә) урып-җыю темплары буенча мәгълүматларны китерде. Аның сүзләренә караганда, һава торышы бөтен җирдә дә диярлек бер үк, әмма җитештерүчәнлек – төрле. Бу вакытка республика буенча 32 мең га, ягъни 2,3% җыеп алынган.