Әлмәтнең эшсез гражданнары игътибарына!

2019 елның 10 июле, чәршәмбе

Әлмәт халыкны эш белән тәэмин итү үзәге эшсез гражданнарга үз эшләрен ачу өчен бер тапкыр бирелә торган финанс ярдәме күрсәтә. Финанс ярдәме алу өчен Әлмәт шәһәренең халыкны эш белән тәэмин итү үзәгендә эшсез граждан буларак теркәлергә, эшмәкәрлек эшчәнлеге төрен сайларга һәм бизнес-план әзерләргә кирәк.

Әйтик, 2019 елның 5 июлендә Әлмәт халыкны эш белән тәэмин итү үзәгендә эшсез гражданнарның бизнес-планнарын тикшерү буенча Эксперт советының чираттагы утырышы узды.

Эшчәнлекнең түбәндәге юнәлешләре буенча үз эшен оештырырга теләгән 2 эшсез граждан үз бизнес-планнарын яклады: лазер эпиляциясе һәм фотохезмәтләре студиясе. Эшмәкәрлек эшчәнлеген теркәүне узу өчен алар барысы да дәүләт салым инспекциясенә җибәрелде.