Илнур Закарин Әлмәттәге велоузышта катнашачак

2019 елның 5 июне, чәршәмбе

Россия шоссе велосипедта ярышучы Илнур Закарин «Tour de Tatarstan Almetyevsk 2019» шоссе велоузышларында катнашуы турында игълан итте. Бу ярышлар 9 июньдә Әлмәттә узачак.

Закарин - Россия велосипедта ярышучысы, Katusha-Alpecin төркеме әгъзасы, 2018 елда Татарстан Республикасының ел спортчысы, 2019 елда  «Джиро д’Италия» велосипедчыларның күп көнлек узышларының 13нче этабында җиңде. Үзенең узышта катнашу теләге турында ул чараның оештыру комитетына хәбәр итте. Спортчы 100 км. аралыкны узарга планлаштыра.