Хөрмәтле мөселманнар һәм әлмәтлеләр! Хөрмәтле дин кардәшләр!

Сезне чын күңелемнән Ураза бәйрәме белән котлыйм! 

Әлеге әхлакый яктан камилләштерү бәйрәме кешеләрне дуслыкка, татулыкка, мәрхәмәтлеккә һәм игелекле эшләргә тарта, гаилә нигезләрен ныгытуга юл куя. Аның гореф-гадәтләрен һәм ритуалларын саклау җәмгыятьтә ислам кыйммәтләрен саклауны, аның бай мәдәни мирасына карата хөрмәтне, яшьләрне олыларга хөрмәт рухында тәрбияләүне күрсәтә.

Якты Ураза бәйрәме һәр йортка җылылык һәм куаныч, үзара аңлашу, тынычлык һәм иминлек китерсен!

Уй - теләкләребез һәрвакытта да чиста, йөрәкләребез яхшылык өчен ачык, омтылышларыбыз якты булсын, бер - беребезгә җылылык, игътибар  бүләк итик, шатлыкларыбыз, уңышларыбыз белән уртаклашыйк. Имин, бәхетле, тыныч, аяз көннәр сезгә!