Әлмәттә “Язгы каникуллар” оператив-кисәтү чарасы узды

2019 елның 28 марты, пәнҗешәмбе

Бүген “Язгы каникуллар” оператив-профилактик чарасы кысаларында Эчке эшләр министрлыгының Әлмәт районы буенча бүлеге тарафыннан балалар өчен махсус утыргычларны куллану буенча рейд оештырылды.

Чара барышында 46 һәм 56 нчы балалар бакчалары янында ике юл-патруль хезмәте экипажы эшләде. Юл-патруль хезмәткәрләре   куркынычсызлык каешының эләктерелгән булуын һәм балалар өчен махсус утыргычларны куллануны тикшерделәр.

Рейд  барышында 24 йөртүче тикшерелде. Шуларның дүртесе административ  җаваплылыкка тартылды.