Әлмәтлеләр «Россия яшьләре» системасы аша эшкә урнаша ала

2019 елның 4 феврале, дүшәмбе

Әлеге система яшьләргә тиз арада карьера старты алырга, үз төбәге һәм бөтен Россиянең ышанычлы компанияләреннән эш урыннарын эзләү мөмкинлеге бирәчәк. 

Кадрлар белән тәэмин итү,  икътисади нәтиҗәлелекне үстерү һәм яшьләрнең активлыгын арттыру максатыннан чыгып,  «Россия яшьләре» автоматлаштырылган мәгълүмат системасында «вакансияләр» блогы барлыкка килде.

Әлеге блок яшьләргә  тиз  арада карьера старты алырга, үз төбәге һәм бөтен Россиянең ышанычлы компанияләреннән эш урыннарын  эзләү мөмкинлеге бирәчәк.

Системаны кулланучылар кандидатның һөнәри осталыгы һәм күнекмәләре, хезмәт биографиясе һәм шәхси казанышлары турында мәгълүмат бирүче «Мөмкинлекләр паспорты» ясый алачак.

«Мөмкинлекләр паспорты»  эш бирүчеләр кандидат белән элемтәгә ул җавап биргәч кенә керә алачак.