ТР Президенты “Татнефть” ААҖ директорлар советының чираттагы утырышын үткәрде

Икътисади-хуҗалык эшчәнлеге нәтиҗәсендә, 2011 елның беренче кварталы белән чагыштырганда, керем, салым салынганга кадәр, 5,9 миллиард сумга артыграк.

Бүген Әлмәттә Татарстан Республикасы Президенты Рөстәм Миңнеханов рәислегендә “Татнефть” ААҖ директорлар советының чираттагы утырышы үтте, дип хәбәр итә “Татнефть” ААҖ матбугат хезмәте.

Утырышта 2012 елның 4 аенда “Татнефть” ААҖ бюджеты нәтиҗәләре каралды һәм бу елның июнь аена бюджет расланды, агымдагы елның беренче кварталында компаниянең икътисади-хуҗалык эшчәнлеге нәтиҗәләре турында сөйләшенде.

Бу елның өч аенда “Татнефть” 6 миллион 454 мең тонна нефть алган, бу үткән елның агымдагы күрсәткеченнән 0,9 процентка күбрәк. Планнан тыш 142 мең тонна нефть чыгарылган.

Хисап вакытына төялгән продукцияне реализацияләүдән алынган керем-брутто 135,4 миллиард сумны тәшкил итә, бу 2011 елның беренче кварталы белән чагышытырганда 21 миллиард сумга күбрәк. Керем-нетто (өстәлгән бәягә салымсыз һәм эсперт пошлинасыз) үткән елның агымдагы күрсәткеченнән 19,1 миллиард сумга арткан һәм 90,4 миллиард сумны тәшкил итә.

Икътисади-хуҗалык эшчәнлеге нәтиҗәсендә керем, салым салынганга кадәр, 34,2 миллиард сумны тәшкил итә, бу, 2011 елның беренче кварталы белән чагыштырганда, 5,9 миллиард сумга артыграк.

Директорлар советы авыр калдыкларны тирән эшкәртү Комплексын төзү концепциясенә һәм “ТАНЕКО” ААҖ гидрокренинг комплексын төзү проектын тормышка ашыруның барышына бәйле мәгълүмат турында сөйләштеләр.

Утырышта катнашучылар компаниянең нефть-газ чыгару управленияләре буенча бораулаган скважиналарның пробурен фондын куллану мәсьәләрен карадылар.

Директорлар советы 2011 елга “Татнефть” ААҖ икътисади-хуҗалык эшчәнлеген тикшерү нәтиҗәләре буенча «Энерджи Консалтинг/ Аудит» ЯАҖ һәм җәмгыятьнең ревизия комиссиясенең мәгълүматын, шулай ук чыгыш ясаган үткән ел эш нәтиҗәләре буенча хисап доклады, еллык хисап, еллык бухгалтер хисабы турында мәгълүматны тыңлады.

Шулай ук Директорлар советында “Татнефть” ААҖ акционерларының гомуми еллык җыелышына бәйле мәгълүмат, компания эшчәнлегенең бер төркем мәсьәләләре турында сөйләшенде.

"Татар-информ".