Әлмәттә социаль-тернәкләндерү консилиумының йомгаклау утырышы узды

2018 елның 12 декабре, чәршәмбе

Агымдагы елның 10нчы декабрендә Әлмәт шәһәренең халыкны эш белән тәэмин итү үзәге белгече муниципаль социаль-тернәкләндерү консилиумының йомгаклау утырышында катнашты. 

Әлеге  чарага  ата-аналары спиртлы эчемлекләр куллану нәтиҗәсендә социаль куркыныч хәлдә булган һәм балигъ булмаган балаларын тәрбияләү  буенча ата-ана бурычларыннан үтәмәүче 13 гаилә чакырылган иде.

Комиссия әгъзалары тарафыннан ведомстволара патронлаштыруның башлангыч этабының сроклары билгеләнде һәм социаль куркыныч хәлдә булган һәр гаиләне реабилитацияләүгә юнәлдерелгән ведомствоара чараларның индивидуаль планнары эшләнде.