Әлмәт хастаханәсе “Иң яхшы перинаталь үзәк” исеменә лаек булды

2018 елның 19 ноябре, дүшәмбе

15-17 ноябрь көннәрендә Казанда VI Бөтенроссия "Россиянең репродуктив потенциалы: Казан укулары" семинары узды. Семинарда Россиянең алдынгы акушер-гинекологлары катнашты.

Семинарны ачу тантанасы кысаларында “Идел буе федераль округының акушер-гинеколог  профилендәге иң яхшы  медицина оешмасы"  бәйгесенә нәтиҗәләр ясалды. Бу бәйгедә Оренбург, Саратов, Киров өлкәләреннән, Марий-Эл, Удмуртия һәм Татарстан республикаларының  учреждениеләре катнашты. Югары сыйфатлы медицина ярдәме күрсәткән өчен Әлмәтнең перинаталь үзәкле балалар хастаханәсе “Иң яхшы перинаталь үзәк” номинациясендә җиңүче булды.