Мәктәп төзелешенә старт бирелде

2012 елның 18 апреле, чәршәмбе
Әлмәтнең “Яшьлек” микрорайонында 2013 нче елда сафка басачак мәктәп төзелешенә старт бирелде. 1224 балага исәпләнгән белем йорты  - нефтьчеләрнең Татарстан Президенты каршындагы Дәүләт торак фондына өстәмә түләүләре нәтиҗәсе.
 
Мәктәп нигезенә беренче ташны салу тантанасында муниципаль район башлыгы Мәҗит Салихов, “Татнефть” компаниясе вәкилләре, укучылар, укытучылар,  яңа мәктәпкә беренче сыйныфка барачак балалар да катнашты.
 
Бүгенге көндә Әлмәт районында 70 мәктәп бар. Аларда 21 меңнән артык бала белем ала. “Яшьлек”, “Алсу”, Көнбатыш капка” кебек яңа микрорайоннарның актив төзелүе бистәгә якын мәктәпләрдә, атап әйткәндә 2 нче санлы лицей, татар гимназиясе, 24 нче мәктәптә балалар саны артуга сәбәп булды. 2011-12 уку елында татар гимназиясенә һәм 2 лицейга килгән беренче сыйныф укучыларын аз комплектлы мәктәпләргә күчерергә мәҗбүр булдылар.
 
Яңа мәктәп әлеге проблеманың чишелешенә ярдәм итәргә тиеш. Мәгариф идарәсе җитәкчесе Наҗия Хәйдәрова да шундый ышаныч белдерә.
 
“Яшьлек” микрорайонында ачылачак мәктәп заман таләпләренә җавап бирә. Анда 51 уку кабинеты, лингофон, хореография, спорт заллары, бассейн, медицина блогы, ашханә һәм укыту-тәрбия процессына кирәкле башка инфраструктура булачак. Яңа федераль стандартларга тәңгәл итеп, башлангыч сыйныф укучыларын аерым блокта укыту планлаштырыла.
 
Л. Минаева
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Дәүләт һәм муниципаль хезмәтләр
Гражданнар мөрәҗәгатьләре
Адрес: 423450, Әлмәт шәһәре, Ленин ур., 39
E-Mail: almat@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International