Әлмәтлеләргә  «Яктыртыл» акциясе кысаларында яктылык кайтаручы элементлар куллануның мөһимлеге турында искәрттеләр

2018 елның 7 ноябре, чәршәмбе

"Көзге каникуллар” профилактика чаралары кысаларында “ЮХК” профилактика бүлеге җитәкчесе Лилия Рафигуллина, Әлмәт муниципаль районы башкарма комитеты гомуми бүлегенең баш белгече Людмилла Демьянова һәм 33 нче балалар бакчасының ата-аналар комитеты Фәхретдин урамындагы җәяүлеләр кичүендә юл хәрәкәте куркынычсызлыгы акциясен уздырды.

Әлеге акциянең максаты - тәүлекнең караңгы вакытында җәяүлеләр арасында яктылыкны кайтаручы элементлар куллануны популярлаштыру.

Акция барышында  оештыручылар  җәяүлеләрне туктатып, алар белән киемдә яктылык кайтаручы элементлар куллануның мөһимлеге турында сөйләштеләр һәм катнашучыларның киемнәренә фликерлар беркеттеләр.