Вице - премьер Равил Моратов Әлмәттә зыян күргән халык һәм төбәк җитәкчеләре белән очрашты

2012 елның 13 апреле, җомга
Хөкүмәт җитәкчеләре су баскан районнарда гадәттән тыш хәл нәтиҗәләрен бетерү чаралары белән таныша. Бүген хөкүмәт рәисе Илдар Халиков күперен су агызган Чистай шәһәренә китте.
Вице- премьер Равил Моратов Әлмәттә зыян күргән халык һәм төбәк җитәкчеләре белән очрашты.
 
 Килеп туган гадәттән тыш хәлдә төбәк җитәкчеләре, төрле ведомствоалар тарафыннан, атап әйткәндә, гадәттән тыш хәлләр министрлыгы идарәсе коткаручыларының эвакуация буенча ярдәме, утны, газны вакытында өзү, зыян күрүчеләрне кайнар аш белән тәэмин итү, сак буенча “ситуациягә тәңгәл чаралар күрелгән”. Бүген Татарстан хөкүмәте рәисе урынбасары Равил Моратов Әлмәттә су баскан урамнарны күреп, зыян күргән халык белән аралашкач башкарылган эшләргә шундый бәя бирде.
 
Бүген кичкә урамнардан су күзгә күренеп чигенгән. Халык акрынлап өйләренә кайта. Газ, электр белән тәэмин итүчеләр судан арынган йортларны тикшереп, энергия чыганакларын кушарга әзер. Бу минутларга электриклар 400 гә якын йортның 27 сен тикшереп чыккан.
 
Иртәгә иртәнге 7 дән су басу нәтиҗәсендә килгән зыянны исәпкә алу буенча комиссия эшли башлаячак. Эшне кыска срокта башкарып чыгу өчен 10-15 комиссия эшләячәк, дип вәгъдә итте Равил Моратовка муниципаль районның гадәттән тыш хәлләр нәтиҗәләрен бетерү комиссиясе рәисе Николай Богданчиков. Зыянны санауга Капиталь төзелеш идарәсе, торак-коммуналь хуҗалык Департаменты сметчиклары җәлеп ителәчәк. Төзелеш һәм торак коммуналь хуҗалык министрлыгыннан да белгечләр киләчәк.
 
Иске Әлмәтнең Комсомол урамында халык белән очрашу вакытында әлмәтлеләр Равил Моратовка килгән зыянны каплау, эвакуация вакытында җәлеп ителгән зур йөк машиналары ваткан юлларны төзекләндерү һәм иң мөһиме киләчәктә әлеге гадәттән тыш хәл кабатланмасын өчен җитди чаралар күрүне сорады. Хөкүмәт рәисе урынбасары республикадан ярдәм булачак дип вәгъдә итте.
 
Ләйләгөл Минаева
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Дәүләт һәм муниципаль хезмәтләр
Гражданнар мөрәҗәгатьләре
Адрес: 423450, Әлмәт шәһәре, Ленин ур., 39
E-Mail: almat@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International