Әлмәттә "Яндекс. Лицей" белем бирү проекты тормышка ашырыла

2018 елның 18 октябре, пәнҗешәмбе

Әлмәтнең “Кванториум” балалар технопаркы мәйданчыгында масштаблы “Яндекс.Лицей” белем бирү проекты үз эшчәнлеген җәелдереп җибәрде.Биредә бәйге этабын уңышлы үткән 8 нче һәм 10 нчы сыйныф укучылары белән атнасына  ике тапкыр дәресләр уздырыла. Яндекс. Лицей -  махсус мәктәп укучылары өчен эшләнгән бушлай курслар. Биредә укучылар интернет- программалаштыруның теоретик һәм практик нигезләренә төшенә. Моннан тыш, алар  кесә телефоннары өчен кушымталар ясау белән һәм проект эшчәнлеге белән дә шөгыльләнә.