Әлмәтлеләргә вирус гепатитын кисәтү чаралары турында хәбәр итәләр

«А» вирус гепатиты - җитди йогышлы авыру. Гепатитны тудыручы - барлык организмның тереклек эшчәнлегендә мөһим рольне уйный торган бавырга зыян китерүче вирус. «А» гепатитын, эчәк инфекцияләре кебек үк, юмаган куллар авыруы итеп атыйлар. Авыру гигиена культурасы түбән дәрәҗәдә булган илләрдә киң таралган. «А» гепатиты белән барлык яшьтәге кешеләр, ләкин ешрак балалар авыра. Авыруларның күпчелек очраклары көзге-кышкы чорга туры килә.

«А» вирус гепатитының иммунитет ягыннан чыныктыру чаралары билгеле - ул вакцинация һәм иммуноглобулинны кертү.