Декрет ялындагы хатын-кызларга Әлмәттә һөнәри белем алу мөмкинлеге булдырылды

Агымдагы елның 17 нче маеннан Әлмәтнең Халыкны эш белән тәэмин итү үзәгендә декрет ялында өч яшькә кадәр балалар тәрбияләүче һәм хезмәт эшчәнлеген дәвам итәргә ниятләгән хатын-кызлар өчен һөнәри белем бирү курслары башланды.

Һөнәри белем бирү дүрт юнәлештә уза: «1С:Предприятие», «кадрлар буенча инспектор», «смета эше» һәм «компьютер дизайны». Якын арада «чәчтараш» һөнәренә укыту буенча курслар ачылачак.

Укуларны Казан Милли Тикшеренү Техник университеты базасында «Инновация, менеджмент һәм бизнес» көллияте уздыра . Адресы: Төзүчеләр проспекты, 9Б йорты.