Әлмәттә Әлмәт муниципаль районы Советының чираттагы егерме тугызынчы сессиясе һәм шәһәр Советының чираттагы утыз беренче утырышы узды

Район башлыгы Айрат Хәйруллин рәислеге астында үткән сессия эшендә район советы, шәһәр советы депутатлары, шәһәр һәм районның мактаулы гражданнары, шәһәр прокуроры вазыйфаларын башкаручы, тикшерү-күзәтү органнары җитәкчеләре, шәһәр һәм район активы, массакүләм мәгълүмат чаралары катнаштылар. 

Сессиядә Бердәм тариф челтәре кагылмый торган җирле үзидарә органнары хезмәткәрләренә хезмәт хакын түләү шартлары буенча карар проекты тикшерелде. Әлеге сорау буенча районның финанс-бюджет палатасы рәисе урынбасары Лилия Әхмәтҗанованың чыгышы тыңланды.