Әлмәттә Әлмәттә торак төзелеше, авыл хуҗалыгы һәм юлларны ремонтлау мәсьәләләре буенча фикер алыштылар
Татарстан Республикасында 2018 елның 25 май көненә 1 млн. 73,8 мең кв. метр сафка кертелгән, бу планның 44,7 % тәшкил итә, ягъни узганелга караганда 119 %. Бу хакта ТР төзелеш, архитектура һәм ТКХ министры Ирек Фәйзуллин ТР Хөкүмәте Йортында узган республика киңәшмәсендә хәбәр итте.
Гадәттәгечә киңәшмәне бөтен муниципаль районнар видеоконференцэлемтә режимында Татарстан Республикасы Президенты Рөстәм Миңнеханов уздырды. Чарад шулай ук ТР Премьер-министры Алексей Песошин катнашты.
ТР төзелеш министры хәбәр иткәнчә, республикада социаль ипотека программасы буенча 142,3 мең кв. метрлы 2 мең 615 фатирлы 81 йорт сафка кертелгән.
Арендалы торак төзү программасы буенча 2018 елда 28,7 мең кв. метрлы 545 фатирлы 182 торак йортны сафка кертү планлаштырыла. Бу шул исәптән Иннополистагы 16,9 мең кв. метрлык 365 фатирлы 3 күп фатирлы йорт. Моннан тыш Татарстан Республикасының 12 муниципаль районында 179 шәхси йорт төзеләчәк.
Медицина ярдәме һәм хастаханәләрне капиталь ремонтлау эше дә планлаштырылган җиде объектта да бара.
Рөстәм Миңнеханов төзелештә кулланыла торган материаллар һәм эшләр сыйфатына игътибар итәргә өндәде.
Татарстан Республикасында чәчүлекләрнең 98 % эшләр тәмамланган. Гомумән 1735 мең гектарда, авыл хуҗалыгы оешмаларының сыйфатлы хезмәте нәтиҗәсендә, эшләр тәмамланган. Бу хакта бүген ТР Хөкүмәте Йортындагы республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Әхмәтов хәбәр итте.
Марат Әхмәтов сүзләренчә, калган 40 мең гектар җирдә 15 мең гектары кукуруза, 14 мең гектары кара бодай, 2 мең гектары бер еллык үләннәр булачак. Шулай ук 1 мең гектарда бәрәңге һәм 300 гектарда яшелчә утырттылачак.
"Алдагы чорда туфрак үешлеген сакларга кирәк, - диде министр. - Бу гадәти авыл хуҗалыгы алымына аеруча игътибар итәргә өндим".
Киләсе атнадан кайбер хуҗалыклар терлеккә күп еллык үләннәрне әзерләү эшен башлый, дип искәртте Марат Әхмәтов, аларның республикада мәйданы - 500 мең гектардан артык.
"Быел төп эш 700 заманча терлек азыгы әзерләүче комбайннарга һәм 430 чапкыч машинага йөкләнә. Шуңа күрә һәр машинаның техник әзерлеге әһәмиятле", - диде Марат Әхмәтов.
28 майдан 1 июньгә кадәр терлек азыгы әзерләүче техниканы тикшерү комиссиясе оештырыла, диде ул. Районнар әзерлеге турында киләсе киңәшмәдә хәбәр ителәчәк.
Актуаль мәсьәләләр урыннарда да каралды.