Сайлау көнендә "Кванториумга" 1500 ләп кеше килде

Бүген балалар өчен дә зур бәйрәм. Алар өчен шәһәрдә бихисап чаралар оештырыла. “Кванториум” балалар технопаркының ишеге тавыш бирү башланганнан бирле ябылып тормый.

Сайлауларда катнашып, «#ДобрыйАльметьевск» браслетына ия булганнар биредә балалары белән иркен рәвештә кереп, VR-технологияләр буенча мастер-классларда катнашу хокукына ия булды. Технопарк директоры Рамил Закиров әйтүенчә, 1,5 мең кеше лабораторияләрнең 12 сендә дә булып, файдалы мәгълүматлар алган, мастер-классларда катнашкан. Әле дә килүчеләр дәвам итә. 
– Төшкә кадәр пенсионерлар да күп килде, – диде ул. – Кызыксынып карап йөрделәр. Бер әби 3 сәгать булды. Браслет белән бу акция 31 мартка кадәр дәвам итә. 38 68 98 телефоны буенча алдан язылырга кирәк, – диде ул. 
Туган якны өйрәнү музеенда да кызыклы программа тәкъдим ителде. Монда да «#ДобрыйАльметьевск» браслеты бушлай керергә ярдәм итте. 
Картиналар галереясындагы мастер-классларда да балалар күп иде. Шулай ук "Татнефть" ягулык салу станциясе хезмәтләреннән файдаланучылар да 4 процентлы ташламага сөенделәр.