ЯҢАЛЫКЛАР

Пенсия фонды һәм Сбербанк электрон хезмәтләр буенча бердәм проектны эшләп чыгардылар. Бу хезмәттән банк клиентлары куллана алачаклар.  

Хәзер барысы да футбол буенча дөнья чемпионатын карый һәм безнең спортчыларның җиңүләренә куана. Әлмәтлеләрнең дә әлеге спорт рухына кушылып, төрле ярышларда катнашу мөмкинлегенә ия булдылар. 8 июль көнне сәг. 10.00 "Яшел Фитнес" фестиваленә багышлана. Бергәләп спорт белән шөгыльләнү мөмкинлегеннән файдаланып калу зарур!

 Татарстанда көчле давыл көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә. 3 июльдә кичен һәм 4 июльдә республика территориясендә яшенле яңгыр һәм боз явуы көтелә. Моннан тыш, җилнең тизлеге урыны белән секундына 15-20 метрга кадәр җитәчәк. 

11 августта триатлон буенча Россия Кубогын һәм Федерация Кубогын уздыру планлаштырыла.

21 июнь көнне Домодедовода  Россия Кубогына  спорт радиопеленгациясе буенча ярышлар узды. Ярышларда 120 спортчы катнашты.  Кубок  Кутузовда үтте.  

30 июнь көнне шәһәр күле территориясендә «Татнефть» яшьләре арасында стритбол буенча ярышлар узды. Командалар 4  бүлекчәгә бүленеп спартакиада зачетында катнаштылар. Татарстаннан барлыгы 31 команда катнашты.

26 июнь көнне Әлмәт пенсия фонды идарәсендә пенсионерлар командасын җиңү белән котладылар. Өлкәннәр командасы  VIII "Третий возраст" республика Спартакиадасында беренче урынны яулаган.  

Җәй дәвамында әлмәтлеләр паркларда, скверларда спорт белән шөгыльләнәләр. Тренировкалар саф һавада инструктор карамагында уза. "Яшел Фитнес" шулай итеп сәламәт яшәргә, чыныгырга өйрәтә.

Әлмәт күпфункцияле үзәгендә үзгәрешләр көтелә. Бу турыда район активы белән булган киңәшмәдә үзәкнең җитәкчесе Илдар Мусин сөйләде. Киңәшмәне район башлыгы Айрат Хәйруллин уздырды. 

Район активы белән киңәшмәдә яңа билгеләүләр игълан ителде. 2 июльдән район башкарма комитеты җитәкчесенең социаль мәсьәләләр буенча урынбасары итеп Светлана Владимировна ЛАПТЕВА, балалар һәм яшьләр эшләре буенча идарә начальнигы итеп Дамир Фоатович НУРУЛЛИН билгеләнде.Мәгариф идарәсе начальнигы вазифаларын башкару Ирина Александровна ПАВЛОВСКАЯга йөкләтелде. Бәйге нәтиҗәләре буенча Инна Анатольевна ПАВЛОВА «Опека» идарәсе начальнигы, Светлана Ильфиковна ХАРИСОВА «Визит» медицина детоксикация үзәге директоры вазифаларына кереште. Татарстан буенча УФСИН боерыгы нигезендә Татарстан буенча УФСИНның җинаять-башкарма инспекциясе федераль учреждениесенең Әлмәт районы буенча филиал начальнигы итеп Зөлфирә Тәлгатовна БАТЫРШИНА билгеләнде.