Әлмәттә «ТатНИПИнефть» институтының 70 хезмәткәрен бүләкләделәр
23 сентябрьдә кампуста институтның 70 еллыгына һәм нефть һәм газ сәнәгате хезмәткәрләре көненә багышланган «ТатНИПИнефть» институты хезмәткәрләрен бүләкләү тантанасы булды.
Тантанада «Татнефть» ГАҖ генераль директорының социаль үсеш буенча урынбасары Ренат Мамин, Әлмәт муниципаль районы башлыгы урынбасары Рамил Закиров, институт директоры Андрей Пименов, шулай ук институт җитәкчеләре һәм хезмәткәрләре катнашты.
70тән артык хезмәткәр һәм ветеран төрле дәрәҗәдәге бүләкләргә лаек булды: Татарстан Республикасы һәм «Татнефть» ГАҖ ведомство бүләкләре, Татарстан Республикасы бүләкләре, шулай ук институтның мактаулы исемнәре һәм Рәхмәт хатлары.
Әлмәт муниципаль районы башлыгы урынбасары Рамил Закиров, хезмәткәрләргә күпьеллык хезмәтләре һәм нефть сәнәгатен үстерүгә керткән зур өлешләре өчен рәхмәт белдереп, бүләкләр тапшырды. Ул билгеләп үткәнчә, институт казанышлары — бердәм профессионаллар командасы хезмәте нәтиҗәсе, һәм яңа уңышлар теләде.
Бәйрәм рухын иҗат коллективлары: «Вдохновение» хореография ансамбле, ВШН студенты Ираева Регина һәм ВШН вокаль ансамбле хуплады.
Барлык бүләкләнүчеләрне лаеклы бүләкләре белән котлыйбыз! Сезнең белән горурланабыз һәм яңа профессиональ җиңүләр телибез!