Гүзәл Хәбетдинова «Яшел педагогик совет» стратегик сессиясендә катнашты
«Яшел педагогик совет»ның Әлмәт районында 2030 елга кадәр «Мәгариф экосистемасы» үсешенең юл картасын формалаштыруга багышланган стратегик сессиясе булды. Сессия эшендә районның мәгариф һәм спорт учреждениеләре җитәкчеләре, шулай ук «Татнефть» компаниясе экспертлары белән берлектә район башлыгы Гүзәл Хәбетдинова катнашты.
«Балаларыбызның киләчәге өчен көрәшне без бергәләп алып барырга тиеш — хакимият, бизнес, педагогик бергәлек һәм ата-аналар. «Яшел педагогик совет» ның төп нәтиҗәсе: укытучы экосистеманың төп звеносы булып кала. Технологияләр һәм заманча лабораторияләр-бары тик инструментлар гына, ә мәгънәләрне һәм ориентирларны остаз тудыра. Безнең бурыч — педагогларга һөнәри һәм шәхес үсеше өчен мөмкин кадәр уңай шартлар тудыру», - дип ассызыклады Гүзәл Мөдәрисовна.
Команда сессияләре кысаларында (анда район башлыгы карарлар әзерләүдә шәхсән катнашты) төп проект инициативалары формалаштырылды:
• «Ата-аналар мәктәбе»мәгариф программасын эшләү;
• Өстәмә белем бирү программаларын (инженерия, IT, спорт, сәнгать) мәктәпләрнең һәм балалар бакчаларының белем бирү процессына җөйсез интеграцияләү;
• Балаларны савыктыру лагерьлары базасында ел әйләнәсе белем бирү кластерын булдыру;
• Остазлык институтын («Әһәмиятле өлкән кеше») үстерү һәм балалар йортларында тәрбияләнүчеләргә ярдәмне көчәйтү;
• Даими кадрлар резервын булдыру «Экосистема педагоглары академиясен» булдыру.
Эшләп чыгарылган юнәлешләр буенча беренче гамәли адымнарны гамәлгә ашыру киләсе атнада ук башланачак. Гүзәл Хәбетдинова «Татнефть» ГАҖнә кеше капиталын үстерүгә керткән системалы өлеше өчен рәхмәт белдерде һәм район Башкарма комитетының проект карарларын киңәйтүдә тулы ярдәм күрсәтергә әзер булуын раслады.