ЯҢАЛЫКЛАР
19 июль көнне шәһәрдә аязучан болытлы һава торышы көтелә, вакыты белән яңгыр, урыны белән көчле яңгыр. Аерым районнарда яшен, боз яву мөмкин. Җил 5-10 м/с, урыны белән 13 м/ска кадәр җил көчәюләр көтелә. Минималь температура төнлә +16..+19º, максималь температура көндез +25..+29º.
Әлмәттә ялган Роспотребнадзор хезмәткәрләре сату-алу өлкәсендә эшләүче эшмәкәрләргә шалтыратып тикшерү өчен кирәкле норматив-хокукый актларны сатып алуга 2 мең сум акча сораганнар. Әлеге шалтыратулар 8-999-653-55-91 номерыннан Алиева Карина Георгий кызы исемле хатын-кыз тарафыннан башкарылган.
"Алтын алмалар турында әкиятләр" паблик-арт программасы кураторлары әлмәтлеләрдән гаилә архивларыннан иске фотосүрәтләр көтәләр.
Торак-коммуналь хуҗалыгы шәһәребезнең тереклек эшчәнлеген тәэмин итә. Бу аксиома. Ләкин фатирларда, йортларда һәм урамнардагы уңайлыклар торак-коммуналь хезмәтендә эшләүчеләрдән генә түгел, ә шәһәрдә яшәүчеләрдән дә тора.
uslugi.tatarstan.ru ТР дәүләт хезмәтләре порталының “Халык контроле“ бүлеге аша алкогольле продукция әйләнеше һәм сату өлкәсендә законнар бозу очраклары турында хәбәр итәргә була.
Җәй килеп җитү белән кискен эчәк инфекциясе белән авыру очраклары арта, чөнки нәкъ шул вакытта тышкы мохиттә авыруны тудыручылар сакланып калу һәм туклану продуктларында һәм суда үрчү өчен уңайлы шартлар барлыкка килә.
Нефть һәм газ сәнәгате хезмәткәрләре көнен бәйрәм итү вакытында Әлмәт муниципаль районында яшәүчеләр һәм кунакларның иминлеген тәэмин итү максатыннан шәһәрдә Радищева, Ленина, Гагарина, Белоглазова, Тимирязева урамнарына чыгу юлларында транспорт хәрәкәте чикләнәчәк.
21 һәм 22 июльдә әлмәтлеләрне һәм шәһәр кунакларын 14.00 сәгатьтә шәһәр пляжы территориясендә узачак Бөтенроссия буяулар фестиваленә чакыралар. Ун сәгать дәвамында иң зур буяулар фестивалендә бию музыкасы, табигый буяулар һәм ак киемнәргә киенгән меңләп кеше, бәхет һәм мәшәкатьсезлек атмосферасы, якты йөзләрдә меңләгән елмаю һәм төрле төсләргә буялган күңелчәкләрнең җылы кочаклары.
Хезмәт килешүе төземичә һәм хезмәт хакын рәсми рәвештә түләмәүче эш белән тәэмин итүчеләр турындагы мәгълүматне биредәге "кайнар линия" номеры буенча хәбәр итәргә мөмкин: 8(8553) 45-50-31, 8(8553) 45-50-66 яки "Халык контроле" хезмәтенә мөрәҗәгать итәргә була.
21 июль көнендә Казан шәһәреннән 40 чакрымда урнашкан наратлыкта «Скорлупино» III Бөтенроссия фестивале узачак. Чара кунакларын йомырка белән иң гадәти булмаган "олипиада" уеннары көтә: йомырка атышу буенча Чемпионат, табалы йөгерешләр, Дөнья чемпионы белән әтәч көрәшләре, глобаль йомырка чабышлары һәм бик күп махсус йомырка бәйгеләре, атракционнар һәм халык күңел ачу чаралары.