Тимур Нагуманов ветеранны котлады

2021 елның 8 июле, пәнҗешәмбе

Бүген, Гаилә, мәхәббәт һәм тугрылык көнендә, шәһәр тибындагы бистәдә яшәүче Түбән Мактамада Бөек Ватан сугышы ветераны Сәет Сәгыйтов үзенең туган көнен билгеләп үтә.

"Әлмәт муниципаль районы башкарма комитеты һәм шәхсән үз исемемнән сезне 95 яшьлек юбилеегыз белән чын күңелдән тәбрик итәм. Тыныч күк йөзе һәм имин тормышыбыз өчен рәхмәт сезгә", - диде район башлыгы Тимур Нагуманов, Россия Федерациясе Президенты В.В. Путинның Котлау хатын укып һәм юбилярга бүләк тапшырды. Котлау сүзләре социаль яклау идарәсе җитәкчесе Рөстәм Гәрәев, ӘМР ветераннар советы рәисе Василий Самойлов теленнән яңгырады.